İlk dəfə olaraq “İteca Caspian” şirkəti Gəncə şəhərində ”1-ci Beynəlxalq İnfrastruktur Sərgisi” keçirib.

      “İteca Caspian” şirkətinin təşkilatçılığı ilə açılmış sərgi 3 gün davam edib. "İteca Caspian" şirkətinin direktor müavini Bəhruz Hidayətzadə, sərginin keçirilməsində əsas məqsəd bölgələrdə fəaliyyət göstərən şirkətlərin və iş adamlarının əlaqələrini gücləndirmək, onların inkişafına kömək etmək oldugunu vurgulayib. Sərgiyə qatılan şirkətlərin əksəriyyəti regionlarda fəaliyyət göstərir.

       Açılış mərasimində çıxış edənlər sərginin əhəmiyyətindən danışaraq ilk dəfə paytaxtdan kənarda belə bir mötəbər tədbirin keçirilməsini ölkəmizdə regionların infrastruktur və biznesin inkişafında böyük potensiala malik olması ilə əlaqələndirmişlər. Qeyd olunmuşdur ki, özəl sektorun inkişafına göstərilən qayğının nəticəsidir ki, sərgidə nümayiş olunan məhsulların 70 faizi yerli şirkətlərin payına düşür və belə infrastruktur sərgilərin təşkili regionlara yeni investisiyalar qoyuluşuna şərait yaratmaqla yanaşı, sərmayədarların cəlb olunmasına da geniş imkanlar açır. Sərgidə 41 şirkətin məhsulları nümayiş etdirilir.

      Sərgidə “KÜR” Elektron Avadanlıqları İstehsalı MMC də iştirak edib.  Sərgi zamanı “KÜR” stendinə müəssisədə istehsal olunan avadanlıqlar nümayiş olunmuşdur. Nümayiş olunan məhsullar sırasına “KÜR” (foto və informasiya) köşkləri, müxtəlif konfiqurasiyalı kompüterlər (Optima P511, KÜR ART A-3800 və eyni zamanda ən yüksək konfiqurasiyalı Optima GCD, Optima GP, KÜR Multimedia GS), “KÜR” stasionar telefon aparatları, “KÜR” monitorları (KÜR 5005L, KÜR 7005 L və yeni model KÜR H782F) daxildir. “KÜR” Elektron Avadanlıqları İstehsalı MMC şirətinin baş direktoru Rizvan Osmanov Gəncə şəhərinin icra  hakimiyyətinin başçısı Eldar Əzizova“KÜR”-ün stendində informasiya və foto köşklərini nümayiş etdirmiş, “KÜR” müəssisəsi, ölkənin kompüterləşdirilməsinin perspektivləri və KÜR-ün ixrac potensialı haqqında məlumat vermişdir.