KÜR - ELEKTRON AVADANLIQLARI İSTEHSALÇISI

Axtarış

Diler

Korporativ müştərilər üçün

Biznes plan

Sertifikatlar

Servis xidmətləri

“KÜR” ELEKTRON AVADANLIQLARI MÜƏSSİSƏSİ BAKUTEL-2006 SƏRGİSİNDƏ İŞTİRAK ETMİŞDİR

Cənubi Qafqaz və Mərkəzi Asiyada kompüterlərin konveyer üsulu ilə istehsal edən ilk müəssisə olan “KÜR” elektron avadanlıqları istehsalı müəssisəsi XII Beynəlxalq “Telekommunikasiya və informasiya texnologiyaları” – BakuTel-2006 sərgi və konfransında 3-6 oktyabr iştirak Etmişdir. Dünyanın 20 ölkəsindən 110 şirkətin iştirak etdiyi bu sərgidə “KÜR” müəssisə ilk dəfə olaraq iştirak etmişdir. Sərgi zamanı “KÜR”-ün stendində zavodda istehsal olunan avadanlığı nümayiş etdirilmişdir. Nümayiş etdirilən avadanlıq sırasına müxtəlif konfiqurasiyalı kompüterlər, stasionar telefon aparatları, POS-terminallar və informasiya kioskları daxildir. Azərbaycanda ilk dəfə olaraq məhz “KÜR” müəssisəsi ödənişli kioskları sərgidə nümayiş etdirmişdir. SİNAM şirkətinin prezidenti Elçin Əliyev “KÜR”-ün stendində Azərbaycan Respublikasının prezidenti İlham Əliyevə ödəmə terminalını nümayiş etdirmişdir. Ödəmə terminalı üçün proqram həlli SİNAM şirkətinin Konstruktur bürosunda hazırlanmışdır. E.Əliyev həmçinin prezidentə KÜR müəssisəsi, ölkənin kompüterləşdirilməsinin perspektivləri və KÜR-ün ixrac potensialı haqqında məlumat vermişdir. Prezident İ.Əliyev müəssisənin fəaliyyətini yüksək qiymətləndirmişdir. Onun sözlərinə görə, xarici bazarlara öz məhsulları ilə çıxış müəssisənin vəzifələrindən biri olmaldır.

Sərginin ziyarətçiləri üçün “KÜR” müəssisəsiinin stendində lotoreya da keçirilmişdir. Lotoreyanın qalibləri “KÜR” müəssisəsinin qiymətləri hədiyyələri ilə mükafatlanmışlar.