BAKUTEL 2007         

Cənubi Qafqaz və Mərkəzi Asiyada kompüterləri konveyer üsulu ilə istehsal edən ilk müəssisə olan “KÜR” elektron avadanlıqları istehsalı müəssisəsi 21-24 noyabr tarixlərində 13-cü Beynəlxalq “Telekommunikasiya və İnformasiya Texnologiyaları” – BakuTel-2007 sərgi və konfransında iştirak etdi. Dünyanın 30 ölkəsindən 150 şirkətin iştirak etdiyi bu sərgidə “KÜR” müəssisəsi 2-ci dəfə olaraq iştirak etdi. Sərgi zamanı “KÜR”-ün stendində müəssisədə istehsal olunan avadanlıqlar nümayiş olunub. Nümayiş etdirilən avadanlıqlar sırasına yüksək konfiqurasiyalı oyun və qrafika üçün nəzərdə tutulmuş 2008-ci ilin modellərindən olan “Optima GCD”, ”Optima ADC” və “Multimedia GS” kompüterləri, fotoköşk, divar köşkü və informasiya köşkləri, stasionar telefon aparatları daxildir. Sərginin açılış mərasimindən sonra baş nazir Artur Rəsizadə, İnformasiya və Telekommunikasiya Texnologiyaları naziri Əli Abbasov, Təhsil naziri Misir Mərdanov, İqtisadi İnkişaf naziri Heydər Babayev, Prezidentin İcra Aparatının Humanitar siyasət məsələləri şöbəsinin müdiri Fatma Abdullazadə və digər qonaqlar “KÜR”-ün stendində İnformasiya köşklərini və yeni 2008-ci il model oyun və qrafiki işlər üçün nəzərdə tutulmuş kompüterlərlə tanış oldular. Qonaqlara  “KÜR” müəssisəsinin, ölkənin kompüterləşdirilməsinin perspektivləri və KÜR-ün ixrac potensialı haqqında məlumat verildi. “KÜRSERVİS” işinin yaxşılaşdırılması, texniki xidmətlərin operativliyinin artırılması, vaxtında müştərilərə yerindəcə xidmət göstərmək məqsədi ilə “KÜR” MMC-nin mütəxəssisləri tərəfindən hazırlanmış “Mobil texniki xidmət” maşını da ziyarətçilərə təqdim olundu. Təhsil naziri M.Mərdanov texniki maşınla tanış oldu və ideyanın çox gözəl olduğunu bildirdi. Mobil texniki xidmət maşınının əsas vəzifəsi regionlarda rayon və kənd məktəblərinə verilmiş kompüterlərə yerindəcə xidmət göstərməkdir. Eyni zamanda qeyd olunan tarixlərdə “KÜR” stendində  sərginin ziyarətçiləri üçün lotoreya və viktorinalar da keçirilib. Lotoreyanın qalibləri “KÜR” müəssisəsinin qiymətli hədiyyələri ilə mükafatlandırılıb. Lotereyanın iştirakçıları oz biletlərini “lotereya” səhifəsindən yoxlaya bilərlər.  

Lotereya

Fotoqalereya

27.11.2007, 13:38

27.11.2007
MSK-nın sədri Məzahir Pənahov "KÜR" EAİ MMC-də olmuşdur

27.11.2007
Gəncədə “I Beynəlxalq İnfrastruktur Sərgisi keçirilib”

27.11.2007
"Məktəblərlə əlaqələrin yaradılması" layihəsi davam edir

27.11.2007
Mərkəzi və Şərqi Avropa ölkələrinin keyfiyyət turnirinin mükafatçıları (2005-2006)

27.11.2007
Müəllif hüququ

27.11.2007
Istehsalat Təcrübəsi

27.11.2007
İlin ən yaxşı informatika müəllimi müsabiqəsi

27.11.2007
''KÜR'' EAI MMC AMD prosessor bazası əsasında kompüter istehsalına başlamışdır.

27.11.2007
"KÜR" EAi MMC konfransda iştirak etmişdir.

27.11.2007
BAKUTEL 2006